അച്ഛൻ മകനയച്ച കത്തുകൾ - 38

 അച്ഛൻ മകനയച്ച കത്തുകൾ - 38

                ശ്രീ

                           സ്ഥലം,

                           30.1.95.

പ്രിയപ്പെട്ട മജുവിന്, 

അവിടെ നിന്നും അയച്ച കത്തു കിട്ടി. പ്രത്യേകിച്ച് വിശേഷം ഒന്നും ഇല്ലാതിരുന്നതുകൊണ്ടാണ് കത്തെഴുതാൻ രണ്ടു ദിവസം വൈകിയത്. വസ്തുവിൻ്റെ വിൽപ്പന ഒന്നും തന്നെ ആയിട്ടില്ല. അടുത്തുതന്നെ അവർ വരുമെന്ന് കരുതുന്നു.

സർവ്വേ നമ്പറും വിസ്തീർണ്ണവും കരാറിൽ എഴുതിച്ചേർത്തു കാണുമെന്ന് കരുതുന്നു.ഞാൻ മുൻപ് അയച്ച കത്ത് അവിടെ കിട്ടാതിരിക്കാൻ ന്യായമൊന്നുമില്ല.പോസ്റ്റാഫീസിലും പോസ്റ്റുമാനോടും അന്വേഷിക്കുക.

ഇവിടെ ഞങ്ങൾക്കെല്ലാവർക്കും സുഖം തന്നെ. നിനക്കും സുഖമെന്ന് കരുതുന്നു.മറ്റു വിശേഷങ്ങൾ ഒന്നുമില്ല. നിർത്തുന്നു.

                സസ്നേഹം,

                     അച്ഛൻ.