#നിധി (കഥ)

      പണ്ട് കേരളത്തിൽ നാട്ടുരാജാക്കൻമാർ തമ്മിലുള്ള യുദ്ധങ്ങൾ, ടിപ്പുവിന്റെ പടയോട്ടം, കലാപങ്ങൾ ഈ സമയത്ത് നമ്മുടെ നാട്ടിലെ പല കുടുംബങ്ങൾക്കും വീടും നാടും ഉപേക്ഷിച്ച് ജീവനും കൊണ്ട് രക്ഷപ്പെടേണ്ടി വന്നിട്ടുണ്ട്. ആ സമയത്ത് അവരുടെ ആയുഷ്ക്കാല സമ്പാദ്യങ്ങളായ സ്വർണ്ണ നാണയങ്ങളും സ്വർണ്ണാ ഭരണങ്ങളും എടുത്ത് ലക്ഷ്യമില്ലാത്ത യാത്ര ചെയ്യുക സുരക്ഷിതമല്ല. ഇന്നത്തെ പോലെ ബാങ്കോ ബാങ്ക് ലോക്കറുകളോ ഒന്നും അന്ന് ഇല്ലല്ലോ.

        തങ്ങളുടെ സർവ്വസ്വവുമായ ആയുഷ്ക്കാല സമ്പാദ്യമായ സ്വർണ്ണം വലിയ ചെമ്പുകുടങ്ങളിലാക്കി പ്രത്യേകതരം ഉറകൾ കൊണ്ട് കുടത്തിന്റെ വായ് മൂടി കെട്ടി വീടിനോട് ചേർന്നുള്ള കുളത്തിലോ പറമ്പിലോ കുഴിച്ചിടുന്നു. അതിന് പ്രത്യേക അടയാളങ്ങളും വെച്ച് വീട് വിട്ട് യാത്രയാകുന്നു അവർ. ആധിയും പെരുത്തുള്ള ആ യാത്രയിൽ ചിലപ്പോൾ ഏതെങ്കിലും രാജ്യത്ത് എത്തിപ്പെട്ടാൽ ആയി. വേറെ ഏതെങ്കിലും രാജ്യത്ത് താമസമായാൽ തന്നെ സമാധാനമായി കഴിയുമ്പോൾ തിരിച്ചു വന്നു നോക്കിയാൽ അവർ താമസിച്ച സ്ഥലങ്ങളൊക്കെ ആകെ മാറിയിരിക്കും. അവിടെ അങ്ങനെ ഒരു വീട് തന്നെ ഉണ്ടാകണമെന്നില്ല.ചിലപ്പോൾ മറ്റാരെങ്കിലും വീട് പണിത് താമസമാക്കാനും മതി. അങ്ങനെ ചില തലമുറകൾ കഴിയുമ്പോഴേക്കും കുളം വൃത്തിയാക്കുന്ന ഘട്ടത്തിൽ കൈക്കോട്ട് ചെമ്പുകുടത്തിൽ തട്ടുന്ന ശബ്ദം കേട്ട് കുടം എടുക്കും. അത് വീട്ടിൽ കൊണ്ടുപോയി തുറക്കുന്ന നിമിഷം ആ മനുഷ്യൻ അൽഭുതസ്ത ഭ് ത നാ യി ഇരുന്നു പോകും. ആരോ എത്രയോ കാലം കൊണ്ട് സമ്പാദിച്ച മുതൽ ഗത്യന്തരമില്ലാതെ വേദനയോടെ കുഴിച്ചിട്ട് പോകുന്നവരുടെ നെടുവീർപ്പുകൾ ആ കുടത്തിൽ നിന്ന് അതിശക്തമായി പുറത്തേക്ക്‌ നിർഗമിക്കും. അതെടുക്കുന്നയാളെ ആ ശാപം തീണ്ടും. തൽക്കാലം അയാൾ ധനികനാകും. ധാരാളം സ്ഥലങ്ങൾ വാങ്ങും.ബി സി നസ് തുടങ്ങും. രണ്ട് തലമുറയ്ക്കൊപ്പം ആ സമ്പത്ത് അവർക്കൊപ്പം ഉണ്ടാകാറില്ല. വാങ്ങിക്കൂട്ടി യസ്ഥലങ്ങളൊക്കെ വിറ്റുപോകും. കാര്യമായ പുരോഗതി ഇല്ലാതെ വീണ്ടും പഴയപടി ആകാനും മതി.

      പ്രിയമുള്ളവരെ അധ്വാനിക്കാതെ ആഹാരം കഴിക്കരുത്. ആരെയും പറ്റിക്കരുത്. കൈക്കൂലി വാങ്ങരുത്. അന്യന്റെ മുതൽ അപഹരിക്കരുത്. കുളത്തിൽ നിന്ന് കിട്ടിയതായാലും അത് അന്യന്റെ താണ്. അതിൽ എത്ര നെടുവീർപ്പുകൾ, എത്ര നിശ്വാസങ്ങൾ, വിയർപ്പുകൾ, അവിടെ കുഴിച്ചിട്ടു പോവുമ്പോഴുള്ള വേദനകൾ ഇതെല്ലാം ആ കുടത്തിൽ സ്വർണ്ണത്തിനോടൊപ്പം ഉണ്ടാവും. അത് സർക്കാർ ഖജനാവിലേക്ക് മുതൽക്കൂട്ടുന്നതായിരിക്കും ഉത്തമം.ഓരോ മനുഷ്യന്റേയും ഉള്ളിലുള്ള വേദനകൾ പുറത്തറിയിക്കാൻ പാകത്തിലായിരുന്നെങ്കിൽ ഭൂമിയെ തന്നെ ചിലപ്പോൾ ചാമ്പലാക്കാനും അതിനു കഴിയും.

         അദ്ധ്വാനിച്ചുണ്ടാക്കുന്നതേ ശാശ്വതമായി നില നിൽക്കൂ.അത് തലമുറകൾ കഴിഞ്ഞാലും നിലനിൽക്കും.പക്ഷേ ഓരോ തലമുറയുടേയും പ്രവൃത്തി അതിനനുഗുണമായിരിക്കണം എന്നു മാത്രം.
  ഈ ലോകത്ത് ശാശ്വതമായി ഒന്നുമില്ല എന്നു പറയാം.എല്ലാം മാറ്റത്തിന് വിധേയമാണ്.

     സത്യം, സ്നേഹം, ദയ, അനുകമ്പ, നല്ല ശീലങ്ങൾ, കരുണ, അധ്വാനശീലം മുതലായ നല്ല ഗുണങ്ങളെ ഒപ്പം കൂട്ടുക. ഇവയെക്കാൾ വലിയ നിധി ഇല്ല. അധ്വാനത്തിന്റെ മഹത്വം തിരിച്ചറിയുക. അതിനേക്കാൾ വലിയ നിധി എന്താണ് ഉള്ളത്.

                  - ശുഭം -

📜✍️മജു.

🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾