ശ്രീമതി പ്രേമാവതി ടീച്ചർ കഴിഞ്ഞ പത്ത് വർഷമായി ഒരു സ്കൂളിലെ പ്രഥമാധ്യാപികയായി സേവനം അനുഷ്ടിക്കുന്നു. ഒരു സ്കൂളാകുമ്പോൾ എന്തെല്ലാം കാര്യങ്ങൾ ശ്രദ്ധിക്കാനുണ്ട്. കുട്ടികൾക്ക് കൃത്യമായി ഉച്ചഭക്ഷണം വിതരണം ചെയ്യേണ്ടതുണ്ട്. കൃത്യമായി സാധനങ്ങൾ വാങ്ങിക്കുന്ന കടയിൽ പൈസ കൊടുക്കണം. സർക്കാർ കൃത്യമായി അതിന് പൈസ കൊടുക്കുകയും ചെയ്യും.പി ടി എ ഫണ്ട് കൃത്യമായി പിരിച്ചെടുക്കും.വാർഷികത്തിന് ഡാൻസ് പരിപാടിക്ക് പങ്കെടുക്കുന്ന ഓരോ കുട്ടിയിൽ നിന്നും പൈസ വാങ്ങിക്കും. ഓരോർത്തർക്കു കൊടുത്ത കണക്ക് പ്രേമാവതി ടീച്ചർ അവതരിപ്പിക്കാറില്ല. ആകെ വരവും ചെലവും എത്ര "ക"യാണെന്ന് മാത്രം പറയും.
പൈസയുടെ വരവുചെലവു കണക്കുകൾ ആരും ചോദിക്കുന്നത് പ്രേമാവതി ടീച്ചർക്ക് ഇഷ്ടമല്ല. എങ്കിലും അത് പുറത്ത് കാണിക്കാറില്ല.
ഇനി ആരെങ്കിലും ഒന്ന് രണ്ട് പ്രാവശ്യം ചോദിച്ചാൽ കണക്ക് മേശപ്പുറത്ത് എഴുതി വച്ചിട്ടുണ്ടാവും. വേണ്ടവർ അത് നോക്കി സായൂജ്യമടഞ്ഞോളണം. താഴെ പറയും പ്രകാരമായിരിക്കും കണക്ക് എഴുതിയിരിക്കുന്നത്.
ആകെ വരവ് --- ക
ആകെ ചിലവ് --- ക
ബാക്കി വന്ന തുക -- ക
ഈ "ക" എത്രയാണെന്ന് ആർക്കും ഒരു പിടിയും കിട്ടില്ല പ്രേമാവതി ടീച്ചർക്കല്ലാതെ. എല്ലാവരും വേണമെങ്കിൽ അത് വായിച്ച് തൃപ്തരായി കൊള്ളണം.
അങ്ങനെ പ്രേമവതി ടീച്ചർക്ക് " ക" ടീച്ചർ എന്നൊരു പേരും കൂടി ഉണ്ടായി.
പ്രേമാവതി ടീച്ചറുടെ "ക" കണ്ട് എല്ലാവരും ഹാപ്പിയയി.
- ശുഭം -
📜✍️മജു.
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
No comments:
Post a Comment