അമേരിക്ക കാണാൻ മോഹിച്ച സുന്ദരൻ🧒 (കഥ)

സുന്ദരനും സുജാതയും രണ്ട് വയസായ മകൾ പത്മിനിയും സന്തോഷത്തോടെ ജീവിച്ചു പോന്നു. അപ്പോഴാണ് പത്രത്തിൽ വന്ന നേഴ്സിങ്ങ് പഠനത്തിന്റെ വാർത്ത കണ്ട് സുജാതയ്ക്കും നേഴ്സിങ്ങ് പഠനത്തിനു് ചേർന്ന് പഠിക്കാനുള്ള ആഗ്രഹം ഭർത്താവിനെ അറിയിച്ചത്.

 സുന്ദരൻ ഓട്ടോ ഓടിച്ചാണ് കുടുംബം പുലർത്തുന്നത്.
സുജാതയുടെ ആഗ്രഹത്തിന് സുന്ദരൻ എതിരുപറഞ്ഞില്ല. കോയമ്പത്തൂര് ഉള്ള സ്ഥാപനത്തിലാണ് സുജാത നേഴ്സിങ്ങ് പഠനത്തിനു് ചേർന്നത്. അതിനു വേണ്ട പൈസ എല്ലാം സുന്ദരൻ ഓട്ടോ ഓടിച്ച് ഉണ്ടാക്കി ഭാര്യയെ പഠിപ്പിച്ചു. മകൾ പത്മിനിയെ സുന്ദരന്റെ അമ്മ നോക്കി. ആഴ്ച്ചയിൽ രണ്ട് ദിവസം വീട്ടിൽ വന്നു പോയി.കോയമ്പത്തൂരിൽ ഹോസ്റ്റലിൽ നിന്ന് പഠിച്ച് സുജാത നേഴ്സിങ്ങ് വിജയിച്ചു.

           നേഴ്സിങ്ങ് പഠിച്ച സുജാതയെ തന്റെ ഒപ്പം സീനിയറായി നേഴ്‌സിങ്ങിന് പഠിച്ച  വത്സല അമേരിക്കയിലേക്ക് ക്ഷണിച്ചു. അവിടെ ഒരു ആ ശു പ ത്രിയിൽ നേഴ്സാണ്  വത്സല .

    സുജാത ഇക്കാര്യം ഭർത്താവ് സുന്ദരനെ അറിയിച്ചു.പാസ്പോർട്ടും വിസയും വിമാന ടിക്കറ്റു ചാർജും കൂടി ഒരു ലക്ഷം രൂപ ചിലവു വരും. അവിടെ തനിക്ക് മാസം ഒരു ലക്ഷം രൂപ ശംമ്പളവും കിട്ടും  ,അത് കഴിഞ്ഞാൽ സുന്ദരേട്ടനേയും മകളേയും അമേരിക്കയ്ക്ക് കൊണ്ടു പോകാം എന്നും സുജാത പറഞ്ഞു. സുന്ദരേട്ടന് അവിടെ ഡ്രൈവറായി ജോലി കിട്ടും എന്നു പറഞ്ഞപ്പോൾ സുന്ദരന് സന്തോഷമായി. നമ്മുടെ കഷ്ടപ്പാടൊക്കെ മാറാൻ പോകുന്നു, മകളെ നന്നായി പഠിപ്പിക്കാം എന്നൊക്കെ സുന്ദരൻ സ്വപ്നം കണ്ടു.
     വീടിരിക്കുന്ന പറമ്പിലെ നാല് സെന്റ് സ്ഥലം കൊടുത്ത് ഒന്നര ലക്ഷം രൂപ ഉണ്ടാക്കി പറഞ്ഞതിലും അമ്പതിനായിരം രൂപ കൂടുതൽ സുന്ദരൻ സുജാതയുടെ കയ്യിൽ കൊടുത്തു.
 തന്റെ ഭാര്യ നല്ല ജോലിക്കാരിയാകാൻ പോകുന്നതിൽ അയാൾ സന്തോഷം കൊണ്ട് മതി മറന്നു.
അങ്ങനെ സുജാത അവൾക്കുള്ള പാസ്പോർട്ടും വിസയും ശരിയാക്കി. പോകാനുള്ള ദിവസത്തേക്ക് വിമാന ടിക്കറ്റും ശരിയാക്കി.സുജാത അമേരിക്കയ്ക്ക് പോകുന്ന ദിവസം എത്തി.

" അടരുവാൻ വയ്യ .......
നിൻഹൃദയത്തിൽ നിന്നെ നിക്കേതു
സ്വർഗ്ഗം വിളിച്ചാലും ഉരുകി
നിന്നാത്മാവിന്നാഴങ്ങളിൽ വീണു
പൊലിയുമ്പോഴാണെന്റെ സ്വർഗ്ഗം "
എന്നു കവി ശ്രീ.മധുസൂദനൻ നായർ പാടിയ കവിത ചൊല്ലി സുന്ദരൻ ഭാര്യയെ കെട്ടിപ്പിടിച്ച് കണ്ണീർ തൂകി യാത്രാമംഗളം നേർന്നു..

താൻ അവിടെ എത്തി രണ്ടു മാസത്തിനുള്ളിൽ സുന്ദരേട്ടനും മകൾക്കും അങ്ങെത്താമല്ലോ. അപ്പോഴേക്കും താൻ പൈസ അയച്ചു തന്ന് പാസ്പോർട്ടും വിസയും സുന്ദരേട്ടനും മകളും ശരിയാക്കി വയ്ക്കുക. പിന്നെ വിമാനത്തിൽ കയറിയാൽ അമേരിക്കയെത്താം. പിന്നെ നമുക്ക് സന്തോഷത്തോടെ കഴിയാമല്ലോ എന്ന് പറഞ്ഞ് സുജാത ഭർത്താവിനേയും മകളേയും മാറി മാറി ചുംബിച്ചു.കണ്ണീർ കവിളിലൂടെ ഒഴുകി. യാത്ര പറഞ്ഞ് വിമാനത്തിലേക്ക് കയറുന്നത് സുന്ദരനും മകളും നോക്കി നിന്നു.

   സുന്ദരൻ താനും മകളും അമേരിക്കയിലേക്ക് പോകുന്നതും കാത്ത് ദിവസങ്ങളെണ്ണി ഇരുന്നു.അമ്മയെ ജ്യേഷ്ഠന്റെ വീട്ടിൽ താമസിപ്പിക്കാനുള്ള ഏർപ്പാടും ചെയ്തു.
സുജാത അമേരിക്കയിലെ ആശുപത്രിയിൽ നേഴ്സായി ജോയിൻ ചെയ്തു.

ആദ്യത്തെ ഒരു മാസം ദിവസവും വിളിച്ചിരുന്നു. സുന്ദരനോടും മകളോടും വാതോരാതെ സംസാരിച്ചിരുന്നു. ഒരു മാസം തികഞ്ഞപ്പോൾ ഒന്നര ലക്ഷം രൂപ ശംബളം കിട്ടിയതായി സുജാത അറിയിച്ചു. നമ്മുടെ ഭാഗ്യമെന്ന് സുന്ദരനും പറഞ്ഞു.

പിന്നെ പിന്നെ സുജാതയുടെ ഫോൺ വിളി കുറഞ്ഞ് കുറഞ്ഞ് വന്നു. തിരക്കാണെന്ന് മറുപടി കിട്ടി. പിന്നെ തീരെ വിളിയില്ലാതായി.അങ്ങോട്ട് വിളിച്ചാലും കിട്ടുന്നില്ല.

എന്താണ് സുജാതയ്ക്ക് പറ്റിയ തെന്നറിയാതെ സുന്ദരൻ വിഷമിച്ചു.അമേരിക്കയിലുള്ള വേറൊരു സുഹൃത്ത് വഴി സുന്ദരൻ വിവരം അറിഞ്ഞു.ജോലി ചെയ്യുന്ന ആശുപത്രിയിലെ വിദേശിയായ ഡോക്ടറെ സുജാത വിവാഹം കഴിച്ചുവത്രേ.
ഇതു കേട്ട സുന്ദരൻ ഇ ടി വെട്ടേറ്റ തെങ്ങു പോലെ നിന്നു ഉരുകി. പിന്നെ നിസംഗനായി ഇരുന്നു.

     സുജാത അതിസുന്ദരിയായിരുന്നു. രൂപേന ഭാര്യ ശത്രു എന്ന് പറഞ്ഞ് കേട്ടിട്ടേയുള്ളൂ. ഇപ്പോൾ അറിഞ്ഞു.

പിന്നെ മകളെ വളർത്തുന്നതിൽ മാത്രമായി സുന്ദരന്റെ ശ്രദ്ധ. ഓട്ടോ ഓടിച്ച് അദ്ദേഹം മകളെ വളർത്തി.

അശ്വ പ്ലിതം, വായൂന വേഗം, പുരുഷ സ്യ ഭാഗ്യം, നാരീ ന ചിത്തം ന ദേവോന കഹ:
കുതിരയുടെ ഓട്ടം, കാറ്റിന്റെ വേഗം, പുരുഷന്റെ ഭാഗ്യം, സത്രീയുടെ മനസ് ഇവദേവൻ മാർക്ക് പോലും പറയാൻ കഴിയില്ല. പിന്നെയല്ലേ മനുഷ്യന്.

പഠിക്കാൻ മിടുക്കിയായ മകളെ പഠിപ്പിക്കാൻ വേണ്ടി സുന്ദരൻ നന്നായി കഷ്ടപ്പെട്ടു. വേറൊരു വിവാഹം കഴിക്കാനും സുന്ദരൻ തയ്യാറായില്ല.

   "അങ്കുശമില്ലാത്ത ചാചല്യമേ മന്നി-
ലംഗനയെന്നു വിളിക്കുന്നു ,നിന്നെ ഞാൻ!
നാരികൾ,നാരികൾ, വിശ്വവിപത്തിന്റെ
നാരായവേരുകൾ, നാര കീ യാഗ്നികൾ "
എന്ന് ചങ്ങമ്പുഴ പാടിയത് സുജാതയെപ്പോലെ ആരെയെങ്കിലും കണ്ടിട്ടാണോ.....
വളരെ കുറച്ചേയുള്ളൂ ഇത്തരക്കാർ,  നല്ല മനസുള്ളവരും ഭർത്താവിനേയും കുട്ടികളേയും സ്നേഹിക്കുന്നവരുമാണ് തൊണ്ണൂറ്റൊൻ പത് ശതമാനം സ്ത്രീകളും.

സുജാത എല്ലാം മറന്നു പോയോ? ആർക്കറിയാം.

സുന്ദരൻ മകൾ പത്മിനിയെ പഠിപ്പിച്ച് ഡോക്ടറാക്കി.വിവാഹംകഴിച്ച യച്ചു. മകളും ഭർത്താവും സന്തോഷത്തോടെ കഴിയുന്നു.

   സുന്ദരൻ സ്വസ്തമായി ഏകനായി കഴിയുന്നു. തന്റെ ഓട്ടോ ഓടിച്ച് വൈകുന്നേരങ്ങളിൽ വീട്ടിലേക്ക് വരുമ്പോൾ സുജാതെയെ ഓർക്കുമ്പോൾ അറിയാതെ അയാളുടെ കണ്ണുകൾ നിറയും.

         - ശുഭം -

✍️മജു.

🍂🍂🍂💞❣️🍂🍂🍂🍂🍂❣️💞🍂🍂🍂🍂🍂