എനിക്ക് മൂന്ന് വയസോ നാല് വയസോ ഉള്ളപ്പോൾ ഒരു കടലാസിൽ ഞാൻ എന്തോ ഒരു ചിത്രം കുത്തിവരച്ചിട്ടു. എൻ്റെ ചിത്രം അതി മനോഹരമാണെന്ന് എൻ്റെ മുത്തച്ഛൻ (അമ്മയുടെ അച്ഛൻ ) പ്രശംസിച്ചു പറയുക മാത്രമല്ല എൻ്റെ അമ്മയോടും എൻ്റെ അച്ഛനോടും ഞാൻ ചിത്രം വരച്ചത് അതി മനോഹരമായിട്ടുണ്ടെന്നും പ്രശംസിച്ചു പറയുകയുണ്ടായി. ഞാൻ എന്താണ് വരച്ചതെന്നൊന്നും ഇന്ന് ഞാൻ ഓർക്കുന്നില്ല. പിന്നീട് ഭാവിയിൽ എന്തെങ്കിലുമൊക്കെ വരയ്ക്കാൻ എനിക്ക് പ്രചോദനമായത് ആ വാക്കുകളാണ്.
ചിലപ്പോൾ ഒരു കുത്തിവരയായിരിക്കും. എങ്കിലും അത് നന്നായി എന്ന് പ്രോത്സാഹിപ്പിച്ചപ്പോൾ വീണ്ടും ചെയ്യാനുള്ള ഉത്സാഹം ഉണ്ടായി.
എൻ്റെ ജീവിതത്തിലും ഇത് ഞാൻ പ്രാവർത്തികമാക്കാറുണ്ട്.ഒരു കുട്ടി പാടിയാലും എഴുതിയാലും വരച്ചാലും ഇനിയും നന്നായി ചെയ്യാൻ കഴിയും എന്ന് പ്രോത്സാഹിപ്പിക്കാറേ ഉള്ളൂ. നമ്മുടെ പ്രോത്സാഹനം കുട്ടികളി ആഴത്തിൽ പതിയുകയും അവരുടെ ജിജ്ഞാസ ഉണരുകയും ചെയ്യും. നമുക്ക് കുട്ടികളെ പ്രോത്സാഹിപ്പിക്കുന്നതിൽ പിശുക്ക് കാണിക്കാതിരിക്കാം. അതിന് പ്രത്യേകിച്ച് യാതൊരു ചിലവുമില്ല.
✍️മജു.
No comments:
Post a Comment