കണ്ടക്ടർ (കഥ)

മനോജ് പഠിക്കുമ്പോൾ കണക്കിന് പൂജ്യത്തിനു മുകളിൽ മാർക്കു വാങ്ങിയിട്ടില്ല. ബാക്കി വിഷയങ്ങൾക്ക്‌ അഞ്ചിൽ താഴെ മാർക്ക് കിട്ടിയാൽ ആയി.

  മനോജ് പത്താം ക്ലാസിൽ തോറ്റു. 100 മാർക്ക് തികച്ചുകിട്ടിയില്ല. പിന്നെ ഒരു കൊല്ലം പാരലൽ  കോളേജിൽ പഠിച്ചു.വീണ്ടും എട്ടു നിലയിൽ പൊട്ടി. 100 നു താഴമാർക്കു വാങ്ങി വീണ്ടും തോറ്റു.

          അതോടെ പഠനം നിർത്തി. അങ്ങനെ ഒരു ബസ് കണ്ടക്ടറുടെ ജോലി തരപ്പെട്ടു. എട്ട് പത്താൻ കുളം, എന്ന് പറഞ്ഞ് യാത്രികൻ കൊടുക്കുന്ന നൂറു രൂപാ നോട്ട് വാങ്ങി എട്ട് എട്ട് അറുപത്തിനാല് എന്ന് മനസിൽ കണക്കാക്കി ബാക്കി 36 രൂപയും തിരിച്ചു കൊടുക്കും. ഇതൊക്കെ ശീഘ്രം നടന്നിരിക്കും. എന്നിട്ട് അടുത്തയാൾക്ക് ടിക്കറ്റുകൊടുക്കുവാൻ പൈസ വാങ്ങിയിട്ടുണ്ടാവും.

   യാത്രക്കാരുടെ ടിക്കറ്റ് നിരക്ക് കൂട്ടുന്നതിലും കൃത്യമായി ബാക്കി കൊടുക്കുന്നതിലും മനോജിന് പിഴച്ചിട്ടില്ല. ഹരമാണ് മനോജിന് കണ്ടക്ടറുടെ ജോലി. തന്റെ വഴി തിരിച്ചറിഞ്ഞ ചെറുപ്പക്കാരൻ.

   അപ്പോൾ ബുദ്ധിയില്ലാഞ്ഞിട്ടല്ല മനോജ് എസ്. എസ്.എൽ.സി തോറ്റത്. താൽപ്പര്യം ഉണ്ടാകുന്ന സാഹചര്യം ഉണ്ടായില്ല. അതു കൊണ്ട് പഠനത്തിൽ തോറ്റു.ഓരോരുത്തരുടെ വഴിതെളിയുന്നത് ഓരോ രീതിയിലായിരിക്കും.

    താൽപ്പര്യമാണ് പഠനത്തിന്റെ മാതാവ്. നിങ്ങളും നിങ്ങളുടെ വഴി കണ്ടു പിടിക്കുക.അത് വേറെയെങ്ങും അന്വേഷിക്കണ്ട. നിങ്ങളുടെ ഉള്ളിൽ തന്നെ ഒളിഞ്ഞിരിക്കുന്നുണ്ട്.

                - ശുഭം -

📜✍️മജു.

🧡💚💛❤️🖤💜💙🧡💚💛❤️🖤💜💙🧡💚💛