സ്ഥലം,
29.8.1994.
Dear Maju,
കഴിഞ്ഞ ദിവസം നീ അയച്ച കത്തു കിട്ടി. വിവരങ്ങൾ അറിഞ്ഞു. ടീച്ചറിൻ്റെ കയ്യിൽ നമ്പർ കൊടുത്തയച്ചത് ഏതായാലും നന്നായി.അവർ വരുമ്പോൾ വിവരം അറിയാമല്ലോ?
രംഗനാഥൻ സാർ സ്ഥലത്തില്ല. ബാംഗ്ലൂർക്ക് മകളുടെ ഏതോ അഡ്മിഷൻ കാര്യത്തിന് പോയിരിക്കുകയാണ്.അദ്ദേഹത്തിന് കത്തെഴുതിയോ?
ബിജുവിന് NDA ടെസ്റ്റിനുള്ള കടലാസ് കിട്ടി.11.09.1994 ന് എറണാകുളം മഹാരാജാസ് കോളേജിൽ വച്ചാണ് പരീക്ഷ. അതു കൊണ്ട് 10.9.1994 ന് ഇവിടെ എത്തക്ക രീതിയിൽ പോരുവാൻ എഴുതിയിട്ടുണ്ട്. മിക്കവാറും വരുമെന്ന് പ്രതീക്ഷിക്കുന്നു. കത്തൊന്നും പിന്നീട് വന്നില്ല.5 ദിവസത്തെ ലീവ് കിട്ടുമെന്നറിയിച്ചിരുന്നു.
നിനക്ക് അവിടെ എന്തൊക്കെയാണ് വിശേഷം? സുഖമെന്ന് കരുതുന്നു.
ഇവിടെ ഞങ്ങൾക്ക് സുഖം തന്നെ. അമ്മ സ്കൂളിൽ പോകുന്നുണ്ട്. മറ്റു കൂടുതൽ വിശേഷം ഒന്നും തന്നെയില്ല.
നിനക്ക് നല്ലതു വരുവാൻ പ്രാർത്ഥിച്ചു കൊണ്ട് കത്ത് ചുരുക്കുന്നു.
സസ്നേഹം,
അച്ഛൻ.
No comments:
Post a Comment