അച്ഛൻ മകനയച്ച കത്തുകൾ - 30.

 

                           ശ്രീ

                                             സ്ഥലം,

                                          9.8.1994.

Dear Maju,

8 -ന് അയച്ച കത്ത് ഇന്നലെ കിട്ടി. ഇന്നലെ തന്നെ രംഗനാഥൻ മാസ്റ്ററെ കണ്ടു. അദ്ദേഹം ഇതു വരെ തിരുവനന്തപുരത്തിന് പോയിട്ടില്ല. എന്ന് പോകുമെന്ന് തീരുമാനിച്ചിട്ടുമില്ല. ഏതായാലും സാറിന് നീ നേരിട്ട് ഒരു കത്ത് അയക്കുക. അദ്ദേഹത്തെയും കൂട്ടി നീ തിരുവനന്തപുരത്തിനു പോകുന്നതാണ് നല്ലത്. എന്ന് പോകുവാൻ സാധിക്കും എന്ന് നീ തന്നെ എഴുതി ചോദിക്കുക. അദ്ദേഹം പോകാമെന്ന് പറയുന്ന ദിവസം നീ ഇവിടെയെത്തി അദ്ദേഹത്തേയും വിളിച്ചു കൊണ്ട് പോകുന്നതാണ് ഉത്തമം. അങ്ങനെ ചെയ്താൽ ഉടനെ കാര്യം നടക്കും. അല്ലാതെ നമ്മുടെ കാര്യം അറിയാൻ മാത്രമായി അദ്ദേഹം പോകണമെന്നില്ലല്ലോ? അതു കൊണ്ട് എന്ന് സൗകര്യപ്പെടുമെന്ന് അന്വേഷിച്ച് ഉടനെ അദ്ദേഹത്തിന് എഴുതുക. എഴുത്ത് കിട്ടിയതിന് ശേഷം വേണ്ടത് പോലെ ചെയ്യാം.

അവിടെ നിന്നും ആരെങ്കിലും ഒബ്ജക്ഷൻ ഡ്രോപ്പ് ചെയ്യുന്നതിന് വേണ്ടി പോയിട്ടുണ്ടെങ്കിൽ നല്ലതു തന്നെ.

നിനക്ക് അവിടെ സുഖം തന്നെ എന്നു കരുതുന്നു.ഭക്ഷണ കാര്യത്തിൽ ശ്രദ്ധിക്കണം. മറ്റ് എന്തൊക്കെയാണ് വിശേഷങ്ങൾ?

ബിജുവിന് കത്തയച്ചോ?

ഇവിടെ അവൻ്റെ കത്തൊന്നും നീ പോയതിനു ശേഷം വന്നിട്ടില്ല. 

ഇവിടെ അമ്മ സ്ക്കൂളിൽ പോകുന്നുണ്ട്.

 ഞങ്ങൾക്കെല്ലാം ഒരു വിധം സുഖം തന്നെ. മറ്റു കൂടുതൽ വിവരങ്ങൾ അടുത്ത കത്തിൽ എഴുതാം. നിർത്തട്ടെ.

                                      സസ്നേഹം,

                                           അച്ഛൻ.