അച്ഛൻ മകനയച്ച കത്തുകൾ - 19

                         ശ്രീ

                                            സ്ഥലം,

                                           25. X.93.

മകൻ മജുവിന്,

അവിടെ നിന്നും അയച്ച കത്ത് കഴിഞ്ഞ ബുധനാഴ്ച കിട്ടി. 22 ന് വെള്ളിയാഴ്ച വരുമെന്നാണ് വിചാരിച്ചത്. അതുകൊണ്ടാണ് അന്നു തന്നെ കത്തയക്കാതിരുന്നത്.വിവരങ്ങൾ അറിഞ്ഞതിൽ സന്തോഷിക്കുന്നു.

    അവിടെ മറ്റു വിശേഷങ്ങൾ എന്തൊക്കെയാണ്? ഭക്ഷണവും താമസവും സുഖം തന്നെയല്ലേ? വച്ചു തരുന്നത് വൃത്തിയായിട്ടാണോ?

   ഇവിടെ എല്ലാവർക്കും ഒരു വിധം സുഖം തന്നെ. അമ്മയും ബിജുവും സ്കൂളിൽ പോകുന്നുണ്ട്. റജിക്ക് വിശേഷം ഒന്നും ഇല്ല. എനിക്ക് വയറിന് സുഖമില്ല. ഭക്ഷണത്തോടു താല്പര്യമില്ല.

    ഇളയച്ഛൻ്റെ മകൾ സിന്ധുവിൻ്റെ ചെക്കൻ വീട്ടിലെ വിരുന്ന് ഇന്നലെയായിരുന്നു.ചെക്കൻ്റെ വീട് ശ്രീകൃഷണൻ തൃക്കോവിൽ അമ്പലത്തിനടുത്താണ്. കല്യാണം ജനുവരിയിൽ ഉണ്ടാകും.

   മറ്റു വിശേഷങ്ങൾ ഒന്നും ഇല്ല. 

നിനക്ക് അവിടെ സൗഖ്യം തന്നെ എന്നു വിശ്വസിച്ചു കൊണ്ട് കത്ത് ചുരുക്കുന്നു.

 ഇനി എന്നാണ് വരുന്നത്? എന്തുകൊണ്ടാണ് പൂജവെയ്പ്പിന് വരാതിരുന്നത്?

     പി.എഫ് അക്കൗണ്ട് ഓപ്പൺ ചെയ്തോ? ഇല്ലെങ്കിൽ ഉടനെ അതിനു വേണ്ട മേൽ നടപടി എടുപ്പിക്കണം. 

നിൻ്റെ കൂടെ ക്രിക്കറ്റുകളിച്ചിരുന്ന ബാബുവിൻ്റെ അച്ഛൻ ശ്രീ.പ്രഭാകരൻ ഈ മാസം ആദ്യം മരിച്ചു.

                 നിർത്തട്ടെ

                                        സസ്നേഹം,

                                           അച്ഛൻ.