#ബന്ധങ്ങൾ(കഥ)

സുധാകരന്റേയും രാധികയുടേയും വിവാഹം കഴിഞ്ഞിട്ട് അടുത്ത ആഴ്ച മുപ്പത് വർഷം പൂർത്തിയാവും.
ഡൽഹിയിൽ സെറ്റിൽ ഡ് ആയ മകനെ വിളിച്ച് സുധാ കരൻ പറഞ്ഞു: "ഞാനും നിന്റെ അമ്മയും തമ്മിൽ ഡിവോഴ്‌സ് ആകുകയാണ്. ഇനി അവരുമായി ഒത്തു പോകാൻ വയ്യ. കൂടുതലൊന്നും വിശദീകരിക്കുന്നില്ല. നിന്നോട് മാത്രമേ പറഞ്ഞിട്ടുള്ളൂ. നീ നി ന്റെ പെങ്ങളോടും കൂടി ഒന്ന് വി ളി ച്ചു പറയുക. ഇനിക്കിനി മകളോട് ഇതൊന്നും വിശദീകരിക്കാൻ വയ്യ."

"അച്ഛൻ ഇതെന്തൊക്കെയാണ് പറയുന്നത്? ഒന്നും മനസിലാകുന്നില്ല" മകൻ പറഞ്ഞു.
"കൂടുതലൊന്നും പറയാനില്ല മകനേ " പറഞ്ഞ് സംഭാഷണം അവസാനിപ്പിച്ചു.
ഇങ്ങനെയൊരു കാര്യം കേട്ട മകൻ പേടിച്ചു. തങ്ങൾ വീട്ടിൽ പോയിട്ട് മൂന്ന് കൊല്ലമെങ്കിലും കഴിഞ്ഞിരിക്കുന്നു.
ഉടനെ ബാംഗ്ലൂര് സെറ്റിൽ ഡ് ആയപെങ്ങളെ വിളിച്ച് കാര്യം പറഞ്ഞു.
" അച്ഛൻ അമ്മയെ ഡിവോഴ്‌സ് ചെയ്യുകയോ?"എന്താണ് കാരണം?''മകൾ പൊട്ടിതെറിച്ചു.
അവൾ ഉടനെ അച്ഛനെ വിളിച്ചു, "ഞാനും സഹോദരനും കുടുംബ സമേതം ഉടനെ വീട്ടിലേക്ക് വരുന്നുണ്ട്.ഞങ്ങൾ വരുന്നതുവരെ ഒരു തീരുമാനവും എടുക്കരുത്. ഞങ്ങൾ ഇതാ ഉടൻ വരുന്നു" മകൾ പറഞ്ഞു നിർത്തി.
അടുക്കളയിൽ ചായ ഉണ്ടാക്കുകയായിരുന്ന രാധികയുടെ അടുത്ത് സുധാകരൻ എത്തി. "പണി ഏറ്റുമോളെ "എന്ന് പറഞ്ഞ് അയാൾ ചിരിച്ചു.
" മക്കളെയൊക്കെ പഠിപ്പിച്ച് വലുതാക്കി ജോലിയുമായി, കുടുംബവുമായി.മാതാപിതാക്കളെ കാണാൻ വരില്ലാന്ന് വച്ചാൽ ,എന്തായാലും നമ്മുടെ രണ്ട് മക്കളും കുടുംബവും നമ്മുടെ വിവാഹ വാർഷികത്തിന് ഒപ്പമുണ്ടാകും.സന്തോഷമായോ നിനക്ക്?
"സന്തോഷമായി സുധേട്ടാ "രാധിക ചിരിച്ചു കൊണ്ട് ഭർത്താവിനോട് പറഞ്ഞു.
Pട: ഈ കഥയുടെ ആശയം എനിക്ക് കിട്ടാനിടയായ സാഹചര്യത്തിന് കടപ്പാടു രേഖപ്പെടുത്തുന്നു.
- ശുഭം -
#M@ju