ഇന്നത്തെ ചിന്താവിഷയം🐧

കഴിഞ്ഞ ഞായറാഴ്ച എന്റെ ഒരു അടുത്ത സുഹൃത്തും ഭാര്യയും വീട്ടിൽ അതിഥിയായി എത്തി. വരുമെന്നുള്ള വിവരം നേരത്തെ അറിയിച്ചിരുന്നു. ഉച്ചയ്ക്ക് അവിയലും ഉള്ളി സാമ്പാറും മോരും കണ്ണിമാങ്ങ ഉപ്പിലിട്ടതും കയ്പക്ക തീയ്യലും കൂട്ടിയാണ് ഞങ്ങൾ ഊണുകഴിച്ചത്.

കയ്പക്ക തീയ്യൽ പാത്രത്തിൽ നിന്ന് സ്പൂണുകൊണ്ട് കോരി ചോറിൽ ഒഴിക്കുമ്പോൾ സുഹൃത്തിനേയും ഭാര്യയേയും നോക്കി ഞാൻ പറഞ്ഞു: "ഈ കയ്പക്ക തീയ്യൽ കഴിച്ചു നോക്കൂ, നല്ല രുചിയാണ്, എന്റെ ഭാര്യയുടെ കൈ പുണ്യം ആണ് ". ഇത് കേട്ടതും ഭാര്യയുടെ മുഖത്ത് നല്ലൊരു ചിരി വിടർന്നു.പിന്നെ വീണ്ടും ഒരു പാത്രം നിറയെ കയ്പക്ക തീയ്യൽ ഊണുമേശയുടെ മുകളിൽ കൊണ്ട് വെച്ചു.

എന്റെ പ്രശംസ കേട്ട അതിഥികളും ഭാര്യയുടെ പാചകം നന്നായിരിക്കുന്നു എന്ന കമന്റ് പാസാക്കി.

ഭൂലോക സുഹൃത്തുക്കളായ നിങ്ങൾ വിചാരിക്കുന്നുണ്ടാകും ഞങ്ങളുടെ ഭാര്യമാരൊക്കെ കറി ഉണ്ടാക്കുന്നത് ഒഴുക്കി കളയുകയൊന്നുമല്ലല്ലോ എന്ന്. അതെന്തായാലും എനിക്കൊരു ചുക്കുമില്ല. അല്ല പിന്നെ.

പാചകവും ഒരു കലയാണ്.

ചോറിനു മുന്നിൽ ഇരുന്ന് ഭാര്യ കഷ്ടപ്പെട്ടുണ്ടാക്കുന്ന കറികളുടെ കുറവുകൾ പറയുന്നവരാണ് പലരും.


നന്നായിട്ടുണ്ടെങ്കിൽ നന്നായിട്ടുണ്ടെന്ന് ഭാര്യയോടായാലും മക്കളോടായാലും അഭിനന്ദനത്തിന്റെ ഒരു വാക്ക് പറയാൻ എന്തിനു പിശുക്കു കാട്ടണം.

പ്രോത്സാഹനത്തിന്റെ അഭിനന്ദനത്തിന്റെ ഒരു വാക്കാണ് ഒരു കലാകാരൻ ആ ഗ്രഹിക്കുന്നത്, അല്ലാതെ പണമോ പ്രതാ പ മോ സ്ഥാനമാനങ്ങളോ ഒന്നുമല്ല.

ചത്ത് കഴിഞ്ഞ് സമർപ്പിക്കുന്ന പുഷ്പങ്ങളോ അനുശോചന സന്ദേശങ്ങളോ അല്ല ഒരു കലാകാരനെ വളർത്തുന്നത്.

ജീവിച്ചിരിക്കുമ്പോൾ ഒരു കലാകാരൻ ചെയ്ത നല്ല ഒരു കലയ്ക്ക് നല്ല ഒരു വാക്ക്, നല്ലൊരു അഭിനന്ദനം, ആശംസ കൊടുത്താൽ അതിലും വലുതായൊന്നും ഈ ലോകത്തൊരു കലാകാരനും ആ ഗ്രഹിച്ചിട്ടുണ്ടാവില്ല.
ഏവർക്കും ശോഭനമായ ഭാവി നേർന്നു കൊണ്ട്...................

# മജു