അക്ഷരത്തിന്റെ പുണ്യം

പുസ്തകപ്രേമത്തെക്കാൾ സ്ഥായിയായ സാക്ഷരതാ ലക്ഷ്യമില്ല.ഒരു

കുട്ടിക്കും പുസ്തകവായനയുടെ ആനന്ദം നിഷേധിക്കാവതല്ല.

" എഴുതാനും വായിക്കാനും കഴിയുന്നത് ഭാഗ്യം ഭാഗ്യം.തന്നത്താനേ

എഴുന്നേറ്റുനടക്കാൻ കഴിയുന്നത് ഭാഗ്യം ഭാഗ്യം".സാക്ഷരതാ

പ്രസ്ഥാനം കേരളത്തിൽ സമ്പൂർണ്ണ സാക്ഷരതാ നേടുന്നതിന്

വേണ്ടി പ്രവർത്തിക്കുന്ന സമയത്തു ഉയർന്നു കേട്ട വരികളാണ്

അത്.സമ്പൂർണ്ണ സാക്ഷരത എന്നതിന് ഔപചാരിക വിദ്യാഭ്യാസം

എന്നർത്ഥമില്ല.ഔപചാരിക വിദ്യാഭ്യാസം വേറെ.എഴുതാനും

വായിക്കാനും കഴിയാതിരുന്ന ഒരു വലിയ വിഭാഗത്തെ സാക്ഷരതാ

പ്രവർത്തനത്തിലൂടെ അക്ഷരത്തിന്റെ പുണ്യം എത്തിച്ചു

എന്നുള്ളത് വലിയ കാര്യമാണ്.