വിവാഹം
അയാൾ രണ്ടാമതും വിവാഹിതനായി.ഇന്നലെ ആയിരുന്നു
വിവാഹം.ആദ്യഭാര്യയുടെ സമ്മതം ഒന്നുംചോദിക്കാൻ പറ്റിയില്ല.എല്ലാം
പെട്ടെന്നായിരുന്നു.രണ്ടാം വിവാഹമായതുകൊണ്ടാവാം.അടുത്ത ഏതാനും
സുഹൃത്തുക്കൾ മാത്രമേ പങ്കെടുത്തുള്ളൂ.വിലകൂടിയ കസവുമുണ്ടും
ഷർട്ടും
വാങ്ങി വച്ചിരുന്നു.താലികെട്ടാൻ പോകുന്ന സമയത്തു അതൊന്നും ധരിച്ചല്ല
അവളുടെ അടുത്ത്
നിന്നതു.സാധാരണഇടുന്ന.ഡ്രസ്സ്ആണധരിച്ചിരുന്നത്്.പൂമാല അവളുടെ
കഴുത്തിൽ ഇട്ടു .താലി കെട്ടാൻ മറന്നു.സുഹൃത്ത് ഓർമ്മിപ്പിച്ചപ്പോൾ
മാത്രമാണ് അക്കാര്യം ഓർത്തത്.വേഗം താലിമാലയെടുത്തു അവളുടെ
കഴുത്തിൽ കെട്ടി.ഒന്ന് കൂടി മുറുക്കി കെട്ടാൻ സുഹൃത്തുക്കൾ
പറയുന്നുണ്ടായിരുന്നു.പിന്നെ ഒന്നും ആലോചിച്ചില്ല.ഒന്നുകൂടി
മുറുക്കികെട്ടി.മുടി പൊന്തിച്ചുതരാൻ ആരുമുണ്ടായിരുന്നില്ല.രണ്ടാം
വിവാഹമല്ലേ.അതാവാം.കെട്ട് കഴിഞ്ഞപ്പോഴാണ് അയാൾ തന്റെ പുതിയ
കസവു മുണ്ടിനെകുറിച്ചും ഷർട്ടിനെക്കുറിച്ചും ഓർത്തത്.വേഗം
അതെടുത്തു ധരിച്ചു. പുതിയ വെള്ള ഷർട്ട് അയാൾക്ക്‌ നന്നായി ഇഷ്ട്ടപ്പെട്ടു.
അവളുടെ മാലയിൽ കിടന്നിരുന്ന ഒരു ലോക്കറ്റ് അവൾ അയാളുടെ നേരെ
നീട്ടി.അയാൾ സ്ഥിരമായി ഇടുന്ന മാലയിൽ അത് ഇട്ടോളാൻ പറഞ്ഞു.എന്റെ
മാലയിൽ ലോക്കറ്റ് ഉണ്ടല്ലോ എന്ന് പറഞ്ഞപ്പോൾ അവൾ ചിരിച്ചുകൊണ്ട്
പറഞ്ഞു.""ഏട്ടൻ ഇത് കൂടി ആ മാലയിൽ ഇട്ടോളൂ.പിന്നെ അയാൾ ഒന്നും
ആലോചിച്ചില്ല.ആ ലോക്കറ്റും കൂടി അയാളുടെ മാലയിൽ ഇട്ടു.അവൾ
അയാളുടെ മുഖത്തു നോക്കി ചിരിച്ചു.അയാൾ ശ്രദ്ധിച്ചു നോക്കി.ഇവൾ
എന്റെ ആദ്യ ഭാര്യ തന്നെയല്ലേ.അതേ എന്റെ സ്വന്തം ആദ്യഭാര്യതന്നെ
.അയാൾക്ക്‌ വല്ലാത്തൊരു ആശ്വാസം തോന്നി.പെട്ടെന്ന് അയാൾ
ഉറക്കത്തിൽനിന്ന് എണീറ്റു.ഓ സ്വപ്നത്തിലായിരുന്നോ ഈ രണ്ടാം വിവാഹം.
